လက်သန်းလေး

လက်သန်းလေး....
သေးသေးလေးနဲ့ ...
အရမ်းချစ်ဖို့ကောင်းတယ်...။

အဲဒီလက်သန်းလေးမှာ
ဝိရောဒိတွေမရှိဘူး.....
ဒွိဟတွေလည်းမရှိဘူး..
သံယောဇဉ်အလှနဲ့
မေတ္တာဓန ချမ်းသာတဲ့
ကိုယ်တို့ကမ္ဘာလေးရှိတယ်။

အဲဒီလက်သန်းလေးမှာ
အနာရောဂါကင်းစင်တယ်
စိတ်ပျက်တာတွေရှင်းလင်းတယ်
သိပ်ချစ်ကြတဲ့ ကိုယ်တို့ဝေးရင်တောင်
အတိတ် ပစ္စုပန်ထိသူရှိမယ်တဲ့။

လက်သန်းလေး..
သေးသေးလေးနဲ့...
..................................
.........................................။

မျက်ကွယ်

အယောင်ယောင် အမှားမှားနဲ့
ငါ့ အမြင်တွေစောင်းနေလား
တို့ကျောင်းတော် ကျဉ်းကျဉ်းလေးမှာ
နင့် သတင်းတွေမွှေးနေတယ်
နွေးထွေးတဲ့ နင့်မျက်ဝန်းတွေ
အရောင်တွေလည်းကျဲ
တွဲလက်တွေ လျော့ရဲရဲနဲ့
လမ်းမခွဲကြေး ဆိုတဲ့ စကားလည်း
နင့်နားထဲ မစွဲခဲ့တာသေချာပြီ
ဘယ်သူက ဘယ်သူထက်သာတယ်
ဘယ်သူက ဘယ်လိုပြည့်စုံတယ်လို့
နင်တစ်ကယ် ခြုံငုံတတ်ပြီပေါ့
ယုံတမ်းစကားသက်သက်နဲ့
နင့်ရင်ဘတ်ထဲ...
ငါဝင်ခဲ့တာမဟုတ်သလို
လွန်ကဲတဲ့ သံယောဇဉ်
မွန်မြတ်တဲ့ အချစ်နဲ့
တို့နှစ်ဦး ပတ်သတ်ခဲ့တယ်ဆိုတာ
နင်ကိုယ်တိုင်သိတယ်လေ..
ခပ်ပေပေ ငါ့စရိုက်က
နင့်အတွက်
အလိုက်မသိတာလား
အပျော်အပါး မမက်တဲ့
ငါ့ အကျင့်တစ်ခုက
နင့်အပေါ် ဂရုမစိုက်သလိုများ
ဖြစ်ခဲ့လား...
ဒါပေမယ့်...ငါ့ရင်ခွင်ထဲ
နင့်တစ်ယောက်ပဲ စွဲလမ်းခဲ့တာ
လမ်းမခွဲကြေး ဆိုတဲ့ နင်ကတော့
မျက်ကွယ်မှာ တစ်ခြားတစ်ယောက်နဲ့
နင်အသည်းတွေ 'မာ'ရဲတယ်နော်...။

မျှော်လင့်ချက်မဲ့အချစ်

ီဒီမှာလေ..
ခံစားချက်တစ်ခုရဲ့ နယ်ပယ်
အဝေးဆုံးကို မျှော်တက်လာတဲ့
သက်တံရဲ့အောက်မှာ
မှိူင်းအုံနေတဲ့ တောအုပ်ရယ်
အံသေနေတဲ့ လက်တစ်ချောင်းရဲ့
ခပ်လှလှ တိမ်မျှင် ပန်းချီကားတစ်ချပ်ရှိတယ်..
အဲဒီ ပန်းချီကားကို
မင်း မော့မကြည့်ကြေးနော်။
အဆိုးဆုံးလို့ တွေးထားတဲ့
အပြူံးတစ်နေရာမှာ
မင်း အမုန်းတွေကိုဝှက်ထားတယ်
သူ့ကို မင်းအသံမပေးနဲ့
မနှိူးဆွနဲ့...။
လေးနက်တည်ကြည်တဲ့ ချစ်ခြင်းတရားတွေ
ကစဉ့်ကလျား ဖြစ်ရင်ဖြစ်ပါစေ
မင်းမျက်ဝန်းရှေ့တည့်တည့်မှာ
ငါ နေပူစာလှူံပြမယ်..။
ချိန်ခွင်လျှာ စောက်ထိုးနဲ့
အပေါ်ကို မိုးမိုးတက်လာတဲ့
လူတွေရဲ့ အကြောင်းကိုလည်း
ငါအမြဲ ပြောဘူးတယ်
ဒါပေမယ့် လည်း
မင်းအတောင်ပံတွေ
ရိုက်ချက်ပြင်းနေသေးတယ်....။
ရှိူက်သံတစ်စစ နဲ့
မျက်ဝန်းမှားပြီး ကျကျ လာတတ်တဲ့
မင်းမျက်ရည်တွေကို
ငါတစ်ကယ် ကြောက်မိပါတယ်
ဒါပေမယ့် လည်း
လ မသာ ကြယ်မလင်း ကောင်းကင်မှာ
မင်းအတွက် သက်သက်
အလင်း ဖြာပေးခဲ့တာပါပဲ..။
ပေးဆပ်တာ ၊စွန့်လွှတ်တာ
ခပ်သာသာလေး တွေးမယ်ဆိုရင်တော့
ခဲတံ တစ်ချောင်းချွန်သလောက်ပဲပေါ့..။
ဘာပဲဖြစ်ဖြစ်
ရင်နင့်နင့် ငါ့အဖြစ်ကို
မင်း မသိသလိုနေပါ
တစ်ကယ်တော့ အချစ်ဆိုတာ..
နို့ဆီခွက်ထဲ ငါးမျှားသလို
ဘာမျှော်လင့်ချက်မှ မပါပဲ..
ချစ်လို့ရပါတယ်.................။

စံပယ်ရင်ခွင်

ဖြူစင်မေတ္တာ
သစ္စာနဲ့ မွန်း
ရိုးရှင်းဆုံးသော ချစ်ခြင်းသည်
စံပယ်တွေလိုပဲ မွှေးပေမည်...။
ချစ်ရေးချစ်ရာ
ဖူးစာဖက် အတွက်
ရွေးလွန်းတော့ ခက်ပါသတဲ့
ဖြူလွှလွှ ပွင့်ချပ်
သင်းပျံပျံ ရနံ့ နဲ့
လှပတဲ့ ဒီပန်းကို
ဆင်မြန်းလို့ဝေဆာ
ပျို့ ကေသာမှာ
တစ်ကယ်ဆင် ချင်
တစ်ကယ်မြင်ချင်ရင်ဖြင့်
စံပယ်ရင်ခွင်မှာ......
စံပယ်တွေ ဖွေးဖွေးလှူပ်ပေါ့....။

ရင်ဘတ်အနွမ်း

တစ်ကယ်ဝေးရပြီဆိုတော့မှ
ဆွေးချက်ကနာ..............
ဝေးရမယ်ကြိုသိနေတဲ့တို့တွေ
ဟိုး အဝေးကိုမျှော်မကြည့်ပဲ
ရစ်ဝဲနေတဲ့မျက်ရေတွေနဲ့
အဖော်ပြု ချစ်မြဲချစ်ခဲ့တယ်
ညစ်နွမ်းလာစရာမရှိတော့တဲ့
ကိုယ်တို့အချစ်တွေဟာ
အချိန်တွေဘယ်လောက်ကြာကြာ
နေရာတွေဘယ်လောက်ကွာကွာ
သစ်ဆဲ....သစ်ဆဲပဲ..........
ဘ၀လမ်း တစ်ခမ်းတနားနဲ့
အချစ်ကိုအရှေ့မှာတင်ထား
သူကြွယ်သားလည်းမဟုတ်တော့
မင်းနှလုံးသားမှာတော့
ကိုယ်ဟာ သတ္တိလျော့နည်းသူပေါ့
လောကဒဏ်ကြမ်းကြမ်းထဲမှာ
သံယောဇဉ်အမျှင်တန်း......
ရင်ဘတ်အနွမ်းလေးနဲ့ပဲ
မင်းဘ၀လမ်းလေးထဲကို
ပန်းတွေခင်းကျင်းပေးလိုက်ပါတော့မယ်...။

နာကျင်အချစ်

ကိုယ်ထင်ရာ မာနနဲ့
မမြင်ကွယ်ရာမှာလည်း
သိမ်ငယ်စရာတွေ အပြည့်ပေါ့
အလိုရှိတဲ့ အရာတိုင်းဟာ
နှလုံးသားမှာ..
တစစ် တစစ်နာကျင်ခဲ့မှ
ရင်မှာ အလိုပြည့်ရတယ်
ဒီတစ်ခါ မနာကျင်စေရပါဘူးလို့
ဘယ်သူကော အာမခံမလဲ
အမှန်တရားဆိုတာ...
မျက်နှာတွေ များစွာရှိတယ်လေ
ရှု့ထောင့်တွေ တစ်ပုံတစ်ပင်နဲ့
ကိုယ်ယုံကြည်တဲ့ တံခါးကနေ
ကိုယ်တိုင်ဖွင့်ထွက်သွားလို့ရတယ်
အသိသက်သေမလိုတဲ့ နှလုံးသားမှာ
အချစ်ဟာ...
ရဲရင့်တယ်...ပွင့်လင်းတယ်
အမြင်ရှင်းရှင်းနဲ့လည်း ..
တစ်ဘ၀လုံးကြည်နှူးရဲတယ်...
ခပ်ရူးရူး ပြောမယ်ဆိုရင်လေ..
ဆုပ်လည်းစူး.....
စားလည်းရူးပါစေ...............။

မနက်ဖြန်နဲ့ချစ်သူ

ချစ်ရေ..
လွမ်းတဲ့အခါ
မင်းဘယ်မှာ...ဆိုတာ
ဖြေရှာမောရတယ်ကွာ..
ငါလွမ်းလို့...
မင်းမလွမ်းမှာ
သေအောင်ကြောက်တယ်ကွာ..
စက္ကန့်တွေဗုံးကွဲပြီး
နာရီတွေကြေမွကုန်တော့
မင်းမရှိတဲ့ တစ်ရက်ဟာလည်း
အပျက်ပျက်နဲ့..
နှာခေါင်းသွေးထွက်သလိုပါ
အစရှာမရတဲ့အလွမ်း
တစ်ကယ်တမ်းပြောရရင်
အလွမ်းဆိုတာ..
နှစ်ယောက်အတူထိုင်လွမ်းလို့မှမရတာ..
မရှိမှလွမ်းရတာ
မတွေ့မှတမ်းတမိတာ
ခဏတာဆိုပေမယ့်.......
ချစ်ရယ်........................
မနက်ဖြန်မှာ
အမြန်ပြန်လာ...ပွေ့ဖက်ပေးပါချစ်သူရယ်..။

မြစ်ရိုး

ဖြန့်ကျက်လိုက်စမ်းပါ
ငါ့အပေါ်ကို.............
အထပ်ထပ်ကျလာတဲ့
မင်းတို့ပိုက်ကွန်တွေ ကြားထဲမှာ
နာကြင်စရာ..
ဘာမှမရှိပဲနဲ့.............
ငါဟာ လှလှပပနဲ့ စီးဆင်းတတ်တယ်လေ။

ထန်လိုက်စမ်းပါ
မုန်တိုင်းရယ်.............
မင်းမာန်တွေ ဘယ်လောက်ရှိရှိ
မင်းဟန်တွေ ဘယ်လောက်မာမာ
ငါ့ကဗျာ ရင်လှိုင်းအောက်မှာ
မင်းလည်း လူးလွန့်သွားမှာပါ............။

ထွန်းလိုက်စမ်းပါ
သောင်တွေရယ်............
နှောင်းတစ်ချိန်က
ငါ့အမှားအောက်မှာ
မင်းလည်းကောင်းကောင်း
အနည်ထိုင်တတ်သားပဲ...............
မှိုင်တွေလက်ချ စရာလား
ရင့်ကျက်တဲ့ ငါ့ကမ်းပါးတွေက
ခပ်ကြမ်းကြမ်း ဖြိုချ
မင်းတို့လည်းပြိုကျသွားမှာပါ................။

ငါဟာ...................
ပင်လယ်မဟုတ်ဘူး
ငါဟာ...................
သမုဒ္ဒရာမဟုတ်ဘူး
ခပ်သာသာ စီးဆင်းနေတဲ့
မြစ်ရိုးလေးတစ်ခုပါ........
ငါဟာ.....................
ပင်လယ်လိုမဆူညံဘူး
သမုဒ္ဒရာလို လှိုင်းမထန်ဘူး
အရိုင်းဆန်တဲ့ ငါ့မြစ်ရိုးမှာ
ငါ့တစ်ကိုယ်စာ ၀မ်းစာရယ်
ငါ့ကြိုလင့်တဲ့ ရာသီတွေပဲရှိတယ်....
ငါ့ဟာ မြစ်ရိုးတစ်ခုပဲ........
ပိုက်ကွန်တွေကြားက မြစ်ရိုး......
မုန်တိုင်းထန်ခဲ့ဘူးတဲ့မြစ်ရိုး.......
သောင်ထွန်းခဲ့ဘူးတဲ့မြစ်ရိုး........
ဘာပဲဖြစ်ဖြစ်..........................
ငါဟာ မြစ်ရိုးတစ်ခု...................။

ပြတင်းတံခါးမှာ နှင်းခါးရိုက်တဲ့ည

ပြတင်းတံခါးမှာ
နှင်းခါးတွေလည်းစိုနေတယ်..
အထွေးထည်ပါးပါးလေးကလည်း
ခုတင်ကြားလေးထဲမှာ ခွေခွေလေး
ခပ်ရေးရေးမြင်နေတဲ့ .....
အဆောက်အဦးတွေကြားထဲမှာတော့
အမေ့မျက်ဝန်းတွေလား.....
မသေချာ.................................
တိတ်ဆိတ်နေတဲ့ညမှာ
အိမ်မက်ဟာ အရောင်တွေနဲ့
တစ်ကယ်ဆို
မှောင်နေတဲ့အသိစိတ်ရယ်
ခြုံထားတဲ့စောင်တစ်ထည်ပဲရှိသင့်တာ
ကျင့်သားမရသေးတဲ့ ပြတင်းတံခါးကလည်း
နှင်းခါးခါးတွေရဲ့ ပတ်ဖြန်းမှုအောက်မှာ
တစ်အားအား အော်နေလား......
အခန်းဖော်တွေရဲ့ဟောက်သံနဲ့
နာရီသံတစ်ချက်ချက်ကလွဲရင်
ဒီညမှာ ကျွန်တော်အဆူညံဆုံးပဲ
လူးလိမ့်နေတဲ့ ကျောပြင်ဟာ
အေးစိမ့်နေရင်းနဲ့ပဲ
ဟိုဘက်လှဲ ...ဒီဘက်လှဲနဲ့
အိမ်မက်တွေလည်းပြန့်ကျဲနေတယ်
မစဲတော့ဘူးလားနှင်းတွေရယ်...
တစ်ကယ်လည်း မင်းတို့တွေလိုအပ်လို့လား
အိမ်မက်တွေ ညတိုင်းမက်တဲ့သူမှာ
စောင့်ကြည့်တတ်တာ မှားခဲ့ပြီ
ဘ၀မှာ..
ဒီတစ်ခါ အဆိပ်သင့်ဆုံးပဲဆိုတာ
ကိုယ့်အိပ်ယာ ကိုယ်ပြန်မသိမ်းခင်မှာပဲ သိလိုက်တယ်.....။။

ရင်ခွင်သမိုင်း

ဘုံဘေဘားမားကုမ္မဏီမှ
သစ်ခိုးသည်ကို......
မြန်မာမင်းက
ဒဏ်ရိုက်သည်တွင်
၁၈၈၅ တွင်............
တတိယကျုးကျော်စစ်ဖြစ်ပွားခဲ့သည်။

လယ်တောစပ်နား
စွင့်စွင့်ငွားငွား
ပန်းကလေးတစ်ပွင့်ဧ။် ရနံ့မှစ၍
ပန်းရင်ခွင်ဝယ်
ပန်းမာလာစစ်...ဖြစ်ပွားခဲ့သည်။

မလှုပ်မရှား
နှလုံးသားတစ်ခုထဲ
ဖူးသစ်လှပဆဲ မျက်နှာလေးကို
မ၀ံ့မရဲ ......ခိုးကြည့်မိသည်မှစ၍
ကျွန်တော့် ရင်ခွင်မှာ
နှလုံးသားကမ္ဘာစစ်...ဖြစ်ပွားခဲ့သည်။

နောက်ထပ်မဝေးတော့ဘူး

သူလည်းခေါ်တယ်
ကိုယ်လည်းကြားတယ်...
ဒါဆို မကြာခင်ပြန်ဆုံမှာပေါ့
ခေါ်သံတွေ အကုန်လုံး
မျှော်လင့်ချက်လက်တစ်စုံနဲ့
ခပ်ဖွဖွ ဆုပ်ကိုင်ထားပေမယ့်
ကိုယ်တို့ ဝေးသွားရအုံးမယ်..ချစ်ရေ

အရာရာ..
မသေချာတဲ့ လောကကြီးက
ဒဏ်ရာရထားတဲ့ ငှက်တွေအတွက်
အတောင်ပံပိုတွေ မပေးဘူးတဲ့
ကြိုတင်တွေးထားတဲ့ တို့အနာဂတ်
သေရာပါနှောင်ကြိုးတွေနဲ့ရစ်ထား
စိတ်ဝိညဉ်တွေ မြဲနိုင်ကြပါ့မလား

ခြေရာမကျန်ခဲ့တဲ့ မင်းနောက်
ရောက်လာခဲ့မဲ့ ကိုယ်တစ်ယောက်
နောက်ထပ်တို့မဝေးတော့မယ်အကြောင်း
စကားလုံးပေါင်းများစွာနဲ့
ဟိုတစ်ချိန်အခါကလို
မျက်ရည်တွေ မစိုစေဖို့
ဒီတစ်ခါ ကိုယ်တို့မဝေးကြဘူးနော်...။

မင်းမရှိတဲ့နေရာလေး

အမှတ်အသားမရှိတဲ့ ရာသီတွေ
တစ်နေရာစီ မင်းပြုကြတဲ့ နေရာ..
တစ်ချိန်တစ်ခါက
ရေစုန်မှာမျောနေတဲ့ သက္ကရာဇ်တွေနဲ့အတူ
ဗေဒါတွေ လမ်းခင်းပေးတဲ့နေရာ..
ဝေးကွာပြီးရင်း...ဝေးကွာခဲ့ရတဲ့
အဲဒါ...................................
မင်းမရှိတဲ့နေရာလေးပါ။

အဝေးမှာကိုယ်မြင်နေရတယ်
ညင်သာတဲ့ခြေလှမ်းလေးနဲ့
ကိုယ့်ဆီတန်းတန်းလာနေတဲ့ မင်းဟာ
အလှတကာ စုထားတဲ့
နတ်သမီးလေးပါပဲ.....
ဘယ်အရာကို ဘယ်လိုတွေးတွေး
ဘယ်သူတွေ ....
ဘယ်လိုမေးမေး
မင်းရှိသေးတယ်လို့
ကိုယ်ပြောဖြစ်နေသေးတယ်။

မင်းမရှိတဲ့အခါ
ယုံကြည်စရာအနာဂတ်လည်း
ကိုယ့်လက်ထဲ မကျန်ခဲ့တော့ဘူး
ရင်ဆိုင်စရာမာန်လည်း
မခံနိုင်အောင်ပြိုလဲ
မတွန်းလှန်ရဲတော့ဘူး။

ဘ၀အမောတွေဖြေဖို့လည်း
လွင့်မျောနေတဲ့ ကိုယ့်စိတ်ဟာ
ရွေးချယ်စရာ ဘာရှိတော့လို့လဲ
ယဲ့ယဲ့သာကျန်တော့တဲ့
ကိုယ့်မျော်လင့်ချက်တွေ
်မင်းအရိပ်တွေကြားမှာပဲ
အိပ်စက်နေခဲ့တာ...။

လူလောကရဲ့
အရောအနှောထဲမှာ
နွေးထွေးစွာ နားလည်ပေးတဲ့ မင်း
ပေးဆပ်ခြင်းသက်သက်နဲ့
ဘာကြောင့် ထွက်ခွာသွားတာလဲ
အခုတော့လည်း
ရွှေအိုရောင် အိမ်မက်တွေထဲမှာလမ်းလျှောက်
ကိုယ်တစ်ယောက်တည်း
မင်းမရှိတဲ့နေရာလေးမှာ................
မင်းမရှိတဲ့နေရာလေးမှာပဲ..............။

အဖြေများနဲ့....

သူမသိပဲ..
ကိုယ့်လက်နဲ့
လှမ်းခေါ်မိတဲ့ အကြောင်းရယ်
မကြင်မနာနဲ့
ရင်တစ်စုံမှာ.........
သူတို့တွေ ခုန်ဝင်ဆော့ကစားခဲ့တာရယ်
ဘာမှန်းမသိတဲ့ ..
ကိုယ့်ရဲ့ အတွေးအခေါ်ဟာ
ကိုယ့်အပေါ် ဘာတွေပဲ ကျကျ
ပြန်ပြန် မော့ကြည့်တတ်တာတွေရယ်
မဖြစ်စလောက် အသိလေးနဲ့
ကိုယ်ဘာသာပြန်ကြည့်တော့လည်း
ခပ်ကျဲကျဲ အဘိဓာန်တွေ
စကားမပြောကြပြန်ဘူး....

လွတ်လပ်တဲ့
စကားလေးတစ်ခွန်း
ချစ်ခွန်းဆို ဟ တော့ လည်း
ကိုယ်မို့လို့ ငြင်းပါသတဲ့။
မရှင်းလင်းတဲ့ ကိုယ့်အသိထဲ
ခေါင်းခါမလိုလိုနဲ့
ခေါင်းညိတ်ခဲ့ရတယ်....။

လိုချင်တာများ ရှိခဲ့ရင်ပြောပါဆို
မသိတာရှိရင် မေးလို့ရတဲ့
ဥာဏ်ပညာရယ်
သူတို့တွေ မလိုချင်တော့တဲ့
ကိုယ်ချင်းစာတရားရယ်ပါ...
ကင်းကွာလို့မရတဲ့..
ဒီလောကကြီးထဲမှာ
ကိုယ်ဟာ....
ဒွန့်တွဲနေတဲ့ အဆိုးအကောင်းကို
မျက်နှာချင်းဆိုင် ကြည့်မယ်...
အဖြေရှာမတွေ့တဲ့ အခါကြရင်တော့
ကိုယ်နောက်တစ်ခါ လှည့်ပြန်ခဲ့မယ်လေ.။

အချစ်ကအဲ့လို

မင်းအကြည့်လွှဲ
ဘေးကိုလွဲသွားရင်တောင်လွမ်းတယ်။

မင်းအရှေ့ကိုရောက်
စူအောင့်အောင့်နဲ့
မင်းပေးတဲ့.................
မျက်ဝန်းထောင့်စွန်းလေးကိုချစ်တယ်။

မင်းအနားကိုဖြတ်
မင်းဆံပင်လေးလွင့်သပ်လာတဲ့အခါ
ပင့်သက်တနင့်တပိုး
ရင်ခုန်သံတွေတိုးပေါ့။

ဒီလိုအချစ်မျိုးနဲ့
အခြေအနေဆိုးနေပြီဆိုတော့
ကိုယ်ကြိုးစားရတော့မယ်..။

မြတ်နိုးရတဲ့မိန်းကလေးရယ်
ဒီတစ်ခါမိုးရွာရင်
မင်းမှာ ထီးမပါပါစေနဲ့..။

ငပျင်းလေး

ဟိုးအဝေးက...
တိမ်တွေပြိုဆင်းသွားတဲ့နောက်မှာ
လူငယ်လေးတစ်ယောက်ကတော့
တစ်ကောက်ကောက်ပေါ့အမေ...
အမေ့ချိုင်းအောက်ကနေကြည့်ဘူးတဲ့
ဘ၀ရဲ့အရောင်မျိုးစုံတွေလည်း
သားတစ်ယောက်လည်း ရဲရဲနီခဲ့ပြီအမေ
လိုချင်တာတစ်ခုနှစ်ခုနဲ့
နှလုံးသားတစ်စုလုံးပေးရတတ်တယ်ဆိုတဲ့ဘ၀
ငိုချင်တာ တစ်ယောက်အတွက်ပေမယ့်
မငြိုငြင်စေချင်တဲ့လူတွေအတွက်
ရယ်ပေးခဲ့ရတတ်တယ်ဆိုတဲ့ဘ၀တွေ
သားဦးနှောက်တွေချာချာလည်ပြီးခဲ့ပါပြီ
သားဟာ "ငပျင်းလေး"ပဲဖြစ်ချင်တယ်အမေ
ချစ်စနိုးနဲ့ အမေခေါ်တဲ့....
အမေ့သား''ငပျင်းလေး''ပေါ့..
အမေ့ချိုင်းအောက်မှာ...........
သားမျက်နှာ ၀ှက်ထားပါရစေအမေ
သားဟာ ''ငပျင်းလေး''ပါနော်..
အမေ့နားမှာ အမေ့ပါးကိုကြူကြူမွှေး
သားအေးအေးနေချင်တယ်အမေ.....
ဘာလို့လည်းလို့အမေမမေးပါနဲ့နော်
ဘယ်သူတွေ ဘယ်လိုမေးမေးလည်း
အမေ့သား ငပျင်းလေးပါလို့
သူတို့တွေယုံအောင်ပြောပေးပါနော်...
ဒီလိုပါပဲအမေရယ်
အချိုအခါးနားမလည်တဲ့သားကို
အမေ့အကြင်နာတရားနဲ့ထွေးဖက်ထားပါ
မျက်ရည်ကျတာတွေ့ရင်တော့သုတ်ပေးပါ
အမ့သားတစ်ခါမှားတာပါလို့
အမေ့မကြားချင်ပါနဲ့အမေ...
အမ့သားပါးနှစ်ဖက်ကို
ပါးကွက်လေးနှစ်ကွက်လောက်တော့ကွက်ပေးပါအမေ..။

ချစ်တယ်

ချစ်တယ်...
အပြစ်မြင်တယ်
မတွေ့ ချင်တယ်
ကိုယ့်ကို ရှောင်ကွေ့သွားလည်း.
ချစ်တယ်....။

မြတ်နိုးတယ်...
တိတ်တခိုးမဟုတ်ဘူး
ကြိတ်ပိုးမချစ်ဘူး
စိတ်အမြဲ ဆိုးတတ်တဲ့မင်းကို
မြတ်နိုးတယ်....။

ကြိုက်တယ်...
မင်းစရိုက်နဲ့ မင်းအကျင့်
အရှိူက်တည့်တည့်ကိုထိတယ်
ကိုယ့်နှလုံးသားမိုက်က မင်းကို
ကြိုက်တယ်.....။

လွမ်းတယ်.....
ကမ်းလက်မရှိဘူး
လှမ်းထွက်သွားတဲ့ မင်းတစ်ယောက်ကို
လွမ်းတယ်......။