အဖော်မွန်

သတိတရနဲ့
ပန်းစည်းလေးလည်း
မပို့နိုင်ဘူး..။

ကြားချင်ပေမယ့်
အားပေးစကားလေးလည်း
မကြားရနိုင်ပြန်ဘူး။

လွမ်းလှသမို့..
ခြေလှမ်းအပြေးလေးနဲ့လည်း
ရောက်မလာနိုင်ပါဘူးကွယ်။

စွဲလမ်းငြိတွယ်ဖူးတဲ့
သီချင်းလေးတစ်ပုဒ်လို
တသသ ဆို...
တသသ ညည်း...
ရင်ဘတ်ကြီးဟင်းလင်းနဲ့သူတစ်ယောက်ကို
'ငြိမ်းချမ်းခြင်း'သီချင်းတစ်ပုဒ်နဲ့
ချော့သိပ်ပေးခဲ့ပါ..မိန်းကလေးရယ်..။

ရနံ့လမ်း

ဒီရနံ့လမ်းလေးထဲ
မ၀ံ့မရဲနဲ့ဝင်ခဲ့မိတယ်
မှော်ရုံတောမဟုတ်ပေမယ့်
အဲဒီလမ်းလေးမှာ
ချစ်စရာပန်းကလေးတစ်ပွင့်ရှိတယ်။

မကြင်နာမှာကြောက်လို့
ဒီရင်ကိုအအောင့်ခံ....
နောက်ပြန်လှည့်ခဲ့တာလည်း
အကြိမ်ကြိမ်ပေါ့။

ဒါပေမယ့်
ခရေ........
နှလုံးသားကခံစား
မြတ်နိုးတမ်းတမှုတွေက
အရှေ့ကနေလမ်းပြသွားတယ် ခရေ။

ဖြေလျော့ချင်ပါရဲ့
လေပြေတွေသာတဲ့အခါ
ခုံမင်ရာ ဒီလမ်းလေးမှာ
ဒဏ်ရာဆိုတာမကျန်စေပါဘူး။

သတိရပါတယ် ခရေ..
မွှေးလွန်းပါတယ် ခရေ
ဖြူစင်ပါတယ် ခရေ..
မြူနှယ်လည်းကင်းပါတယ် ခရေ..

ရင်မှာနမ်းရှိုက်ဖို့
မပန်ထိုက်တဲ့ပန်းလေးမို့
မင်းရနံ့လမ်းလေးမှာ
လေပြေတွေသာတိုင်းရူးနေတော့မယ်ထင်တယ်။

မသိခဲ့တဲ့အရာ

မေးရဦးမယ်
မနေ့ကငါဘာလုပ်ခဲ့လဲဆိုတာ
ငါအိပ်တဲ့ အိပ်ယာကနေစလို့ပေါ့

နွေရာသီမှာ
နှင်းကျပြတဲ့သတ္တိဟာ
ကြွေတော့မယ့်သီးကင်တစ်လုံးရဲ့မာနပါ

အဖြစ်အပျက်တွေက
တစ်ခုတစ်ခုခြင်း
ဘ၀၀မ်းစာမရမချင်း
သူ့အပေါ်လည်းနင်းရတယ်
ကိုယ့်အပေါ်လည်းနင်းခံရတယ်

တစ်ကိုယ်ရေညတွေနဲ့
သတင်းစာတစ်စောင်လိုဖြန့်ကျက်ရင်း
မနက်ဖြန်ကို
ဆောင်းပါးတစ်ပုဒ်လိုဝင်ခိုနေမိတယ်

တစ်ကယ်ပါမိန်းကလေးရယ်
အကျည်းတန်တယ်ဆိုတာသိဖို့အတွက်
ငါ့ေ၇ှ့မှာ မှန်တစ်ချက်တော့လိုတယ်လေ။